Author: Halldór Guðmundsson

Fyrirgefið mér

Það er erfitt að horfast í augu við veruleikann þessa dagana. Öll leitum við sökudólga og á sunnudaginn var birtist grein í Morgunblaðinu þar sem átta guðfræðingar bentu á hvernig þjóðfélagið varð græðginni að bráð, missti sjónar á því sem máli skiptir. Hugsanlega ekki verri nálgun en hvað annað. Hins vegar segir greinin ekki alla söguna, hún segir nefnilega ekki frá mínum þætti í öllu þessu, mér vígðum þjóni kirkjunnar sem segist standa fyrir manngildi og ábyrgð. Ég, vígður þjónn þjóðkirkjunnar, starfsmaður á plani, brást hlutverki mínu.

Fyrirgefið mér.

Þegar ég hefði átt að beina sjónum að búlgörskum símamönnum sem misstu vinnuna vegna hlutabréfabrasks íslenskra fjárglæframanna, var ég upptekinn við að kalla inn greiða hjá þeim sömu mönnum, í von um lækkun vaxta á skuldum kirkjunnar. Ég talaði ekki gegn misnotkun farandverkamanna, vegna þess að ég var of upptekinn við að fylgjast með samningaviðræðum um vatnsréttindi. Ég gerði ekki athugasemdir við þjófnað úr almenningshlutafélögum, vegna þess að þjófarnir veittu svo góðan afslátt á aðföngum fyrir æskulýðsmót. Ég lét mér vel líka þegar glæpamennirnir keyptu aflátsbréf í formi orgelpípna. Ég, starfsmaður Æskulýðssambands kirkjunnar þagði þegar æska Íslands fékk steindan glugga að gjöf frá ríkisstjórninni. Ég gladdist þegar ég frétti að stjórnmálaforingjar væru til í að veita fyrirgreiðslu “á ská” til að auðvelda kirkjunni að leysa vandamál.

Fyrirgefið mér.

Ég hef talnaskilning á við þá bestu í viðskiptageiranum. Ef ég hefði sest niður og gefið mér tíma til að reikna hefði ég líklegast geta séð hitt og þetta. Ég vissi sem var hvað var á seyði með FL-Group. Ég ákvað hins vegar að nota gjöf mína, til að útbúa Excel-skjöl með kirkjutölum, velta vöngum yfir hvernig við gætum náð í stærri bita af kökunni. Ég eyddi orku í að réttlæta viðveru vígðra kirkjustarfsmanna í grunnskólum, þegar ég með réttu hefði átt að berjast gegn þátttöku stjórnmálamanna í stjórnum fyrirtækjanna sem þeir hefðu átt að vakta.

Fyrirgefið mér.

Ég var vígður til þjónustu við æsku landsins. Nú 10 árum eftir vígslu mína, er erfiðara fyrir æskuna að horfa vonaraugum til framtíðar, en þegar ég tókst á við köllun mína. Sú köllun mín að vera farvegur fyrir von virðist hafa brugðist.

Fyrirgefið mér.

Það er gott og blessað að skrifa lærðar greinar um mikilvægi guðfræðinnar þegar kemur að endurreisn. En sá tími er ekki kominn enn. Áður en endurreisn hefst þarf að horfast í augu við það hver við erum, hvað við gerðum/gerðum ekki. Aðeins ef við erum tilbúin að horfast í augu við okkur sjálf, erum tilbúin til að iðrast og viðurkenna sekt okkar, getum við vænst upprisu.

Kaffihúsakirkjan (íslenska)

Kaffihúsakirkjan, reglulegar vikulegar samkomur á kaffihúsi þar sem við ræðum um guðfræðileg/samfélagsleg mál, biðjum saman og veltum fyrir okkur spurningunni: Hvað vill GUÐ?

– Biðjum hvort fyrir öðru
– Tjáum okkur um málefni
– Grátum saman
– Hlæjum saman
– Vefsíða sem vettvangur
– …

Spurning um helgihaldsþáttinn. Hugsanlega að fara til kirkju og syngja í lokin – frjálst að koma með.

BSC for Church

Is it possible to use BSC to evaluate life in a congregation and stay at the same time strong in the Lutheran understanding of Church?

To figure it out I would need to look at various Theologies about the nature of the Church. Attempt to compare and contrast them and spell out a usable Ecclesiology for the beginning of 21st Century. I will then address contemporary leadership theories and evaluate whether the one I chose to look at are helpful in building up a church based on the Ecclesiology I spelled out in the first part.

Looking at BSC and Ecclesiology.

  • I need to look at Polity vs/or/and Theology.
  • Using BSC in a Lutheran Congregation
  • Using BSC in Church

Putting on a pan for parents

Idea of a youth program that meets once a week to cook a meal together and invites parents to come and eat with them.
—
In a church setting it could look like this:

4pm or after school – gather and decide what is needed.
4:30pm Go to the store
5:30pm Start cooking
6:30pm Dinner
7:15pm Optional Worship
7:45pm Program ends

Not everyone does everything. So there should be at least some time to do homework.

Framtíðarborgin er íslensk

Nokkur ungmenni úr Bexley Middle School hér í Ohio, tóku einnig þátt í þessari árlegu keppni 8. bekkinga um bestu framtíðarborgina. Bexleybæingar unnu að þessu sinni á fylkisvísu og halda nú um miðjan febrúar til Washington, og keppa á landsvísu. Það vakti athygli mína að borgin sem þau hönnuðu og kölluðu “Novo-Mondum” var einmitt sögð vera á Íslandi í fréttabréfi skólahverfisins.

Vísun í vefsíðu Bexley Middle School.

Hvað merkir skuldastaðan?

Í október spáði ég því að heildarskuldir sem féllu á ríkið myndu vera af stærðargráðunni 4.000 milljarðar króna [1] [2]. Núna virðist hins vegar ljóst að minnsta kosti helmingur þeirra upphæðar mun falla á aðila sem lánuðu peninga til íslensku bankanna eða notuðu bankaþjónustu þeirra erlendis. Þannig virðist skv. frétt mbl.is sem ég vísa til í fyrri færslu, skuldirnar verða nær 2.000 milljörðum. Ef við gerum ráð fyrir 5% vöxtum að jafnaði erum við að tala um 100 milljarða í vaxtagreiðslur á ári eða á milli 20-25% af fjárlögum. Rétt er að hafa í huga að einhver lán munu bera lægri vexti en sér í lagi lán í krónum munu bera mun hærri.

Það er því ljóst að 10% niðurskurðurinn á Fjárlögum þessa árs mun duga skammt. Ég hef áður bent á niðurskurðarleiðir í Fjárlögum í annarri af fyrri færslum og geri ráð fyrir að skattahækkanir þurfi einnig að eiga sér stað fljótlega.

Skuldirnar okkar allra

Ég ákvað að skrá hér hjá mér skuldir ríkisins í íslenskum krónum skv. frétt mbl.is frá 15. janúar (evran var rétt um 170 krónur). Ég set upphæð erlendra lána í evrum innan sviga til að auðvelda mér að fylgjast með tölunum í framtíðinni.

Innlendar skuldir – 336 milljarðar

Endurfjárm. bankanna – 385 milljarðar

Tap v. skortsölu – 35 milljarðar

Fjárlagahalli 2009 – 154 milljarðar

Alls skortir því 910 milljarða íslenskra króna.

 

Erl. langtímaskuldir – 318 milljarðar (1,9 milljarðar evra)

Icesave skuldirnar – 695 milljarðar (4,1 milljarðar evra)

Veðlánatöp – 270 milljarðar (1,3 milljarðar evra)

FIH bankinn – 84 milljarðar (0,5 milljarðar evra)

Alls skortir því 1.367 milljarða (7,8 milljarða evra)

 

Hvaðan koma peningarnir?

Til að mæta þessu er lánið frá IMF og vinum okkar út í heimi upp á 644 milljarða króna (3,8 milljarða evra).

Eins kemur lán frá ICESAVE og Edge löndum upp á 695 milljarða (4,1 milljarð evra).

Fyrirvarar

  • Kostnaður vegna endurfjármögnunar bankanna gæti orðið mun hærri en 345 milljarðar króna.
  • Yfirvöld láta sig dreyma um að sala á ICESAVE eignum skili 445 milljörðum (2,6 milljörðum evra), sem gengur upp í lánið frá ICESAVE og Edge löndum.
  • Hugsanlega fást allt að 60 milljarðar (0,35 milljarðar evra) fyrir FIH bankann í Danmörku. Það verður að teljast fremur ósennilegt.

Af hverju borða þau ekki bara kökur?

Konan mín las rétt áðan viðbrögð Þorgerðar Katrínar við mótmælunum í gær og reyndi að útskýra hvernig hroki og yfirdrepskapur menntamálaráðherra virkaði á sig. Eftir smá umhugsun lagði Jenný, Þorgerði orð í munn og sagði: “Af hverju borða þau ekki bara kökur?”

Dagurinn í gær er um margt merkilegur, ég klökknaði þegar ég fylgdist með Obama taka við embætti og hef reynt að fylgjast með stemmningunni hér í BNA sem er stórkostleg. Gleðin og spennan ræður ríkjum, nema í þær 30 sekúndur sem ég hlustaði á Rush Limbaugh.

Á hinn bóginn fann ég hversu illa mér leið yfir ástandinu á Íslandi, sorgin, reiðin og sársaukinn sem fylgir því að uppgötva að fulltrúum okkar á Alþingi er drullusama. Vanlíðanin yfir að hafa verið blekktur og rændur. Ég fann líka til með löggunum sem virðast ekki vita í hvorn fótinn þær eiga að stíga. Ég fékk sting í hjartað þegar ég sá að Lalli hafði verið handtekinn. Ég fylltist sorg yfir því að Ísland sem ég hélt að ég þekkti en skildi ekki alveg, var ekkert annað en blekking. Í dag dó Samfylkingin í mínum huga, andlát Sjálfstæðisflokksins átti sér stað fyrir nokkrum mánuðum, þegar Davíð hótaði endurkomu í pólítík og Geir rak hann ekki. Framsóknarflokkurinn boðaði byltingu um helgina og kallaði til starfa son eins af glæpamönnunum sem rændu fyrirtækjum í eigu ríkisins. E.t.v. er sonurinn föðurbetrungur, en það er ekki áhættunar virði. Innflytjendastefna Frjálslynda flokksins gerir hann að alls ónýtum kosti. Staðan skilur ekki marga möguleika eftir…

Nú í nótt þegar lögreglan nýtti sér fámenni mótmælenda til að slökkva eldinn við Alþingishúsið, slökknaði síðasta von mín um að ástandið myndi lagast af sjálfu sér. Lögregla sem bíður færis til að beita valdi, bíður eftir að mótmælendur huga ekki að sér og ræðst þá gegn þeim, er að gefa óhugnanleg skilaboð. Þetta er ekki geðfellt ástand og ef Samfylkingarlíkið hristir ekki af sér xxx á næstu tveimur sólarhringum mun ástandið líklegast versna til muna.

Ég skammast mín

Fréttamolar eins og þessi hjálpa mér til að skilja baráttu Vantrú.is gegn kirkju og kristni.

Californians who attend church weekly voted for Proposition Eight by a margin of 83 percent to 17 percent, according to exit polls. Those who attend church occasionally voted 40 percent in favor and 60 percent opposed. Californians who never attend church were 14 percent in favor and 86 percent opposed. (From CNN)

Fundurinn

Geir Haarde
  • Ekki leita blóraböggla, við skulum vinna sökudólga þegar við höfum komið á stöðugleika.
  • Styrkja krónuna nr. 1.
  • Þetta er tímabundið ástand.
  • Útbúa sterkan gjaldeyrissjóð.
  • Góðar viðræður.
  • Formlegar viðræður um stöðugleika.
  • Tveggja milljarða dollara lán frá IMF, til 2012-2015. 
  • Markmið er að endurvekja traust, styrkja ríkissjóð, styrkja krónuna og reisa bankana við.
  • Þetta mun taka líklega um 10 daga. 800 milljónir dollara strax við samþykkt.
  • Aldrei neitt klárt, fyrr en það er klárt.
  • Það er verið að skoða frekari aðstoð annars staðar á sama tíma.
  • Það eru engin skilyrði um uppgjör við Breta, önnur en að það sé í farvegi.
  • IMF lánið kallar ekki á skattahækkanir.
  • IMF getur ekki lánað Íslandi meira, vegna kvótareglna sjóðsins.
  • Fall í þjóðarframleiðslu, meira atvinnuleysi, verðbólguóvissa, ríkissjóðshalli í nokkur ár.
  • Rússalánið er ennþá á borðinu, en ekki jafnhátt og áður.
  • Þjóðhagsspá er í vinnslu.
  • Trúnaður um aðgerðir ríkissjóðs.
  • Við gerum ráð fyrir að verðbólga fari hratt niður.
  • Tilkynningin ætti að slá á gengisvandann.
  • Kaupmáttarrýrnun 7,5% á þessu ári og sama á næsta ári fullyrt af blaðamanni. Geir tekur undir.
  • Við munum ekki borga upp skuldir bankanna. En við borgum það sem ríkið er í ábyrgðum fyrir.
  • Upphæðin er hærri, en ítrustu reglur IMF hljóða á um. 
  • Útflutningur er að aukast, innflutningur er að hrynja.
  • Skammarleg vinnubrögð Breta.

Ingibjörg Sólrún

  • IMF er mikilvægur sem festa í ólgusjó.
  • Tækifæri til að takast á við erfiðleikana felst í IMF.
  • Uppbygging samfélags sem hefur alþjóðlegt traust.
  • IMF er miðlægur stöðumatsaðili, og vekur traust annarra.
  • Ekki endanleg niðurstaða, heldur drög.
  • Inntakið er ekki gefið upp. Stjórn IMF þarf að sjá þetta fyrst.
  • Getur tekið vikur að klára þetta venjulega, en nú er hraðafgreiðsla sem getur tekið nokkra daga.
  • Það er IMF sem bannar að inntakið sé gefið upp.
  • Engin skilyrði sem við getum ekki sætt okkur við.
  • Við viðurkennum ábyrgð gagnvart Bretum, en ekki upphæðir.
  • Rannsókn þingnefndar með erlendri aðstoð.
  • Endurskoðun lífeyrissjóðalaga er brýn.
  • Engar þjóðskipulagslegar breytingar settar sem skilyrði fyrir IMF.
  • Upphæðin skiptir ekki öllu máli, heldur opnunin sem þetta veldur gagnvart lántöku frá öðrum.
  • Endurheimt orðstýrs í Bretlandi, ekki víst að málaferli séu best til þess fallin til að laga það.

Bankadrengur sem skuldar milljarða?

Mikið hefur verið rætt um illu ofurlaunamennina og hvernig þeir hafa snuðað saklausan almenning og skilið hann eftir í eymd og volæði. Þar sem svona sögur virka vel og jafnvel betur ef hægt er að birta mynd af ofursumarbústöðum, þá flaug mér í hug að skoða hvaða áhrif yfirtakan á Kaupþingi hefði haft á eignastöðu  bankastjórans fyrrverandi í Kaupþingi. Continue reading Bankadrengur sem skuldar milljarða?