Hér fyrir neðan sló ég á að í besta falli eru skuldir bankanna 4000 milljörðum hærri en eignir. Upphæð sem lendir á Ríkissjóði að glíma við, alla vega að hluta. Í versta falli er ástandið annað og alvarlegra. Skuldir bankanna umfram skuldir gætu allt eins verið 8000 milljarðar króna ef tryggingar fyrir eignum eru ekki burðugar. Eitthvað af skuldum bankanna lendir sjálfsagt á lánveitendum sem munu bera harm sinn en væntanlega ekki í hljóði, hversu mikið er alls óljóst. En höldum okkur við þá tölu sem ég tel að sé lægsta mögulega upphæð sem Ríkissjóður mun sitja uppi með eða 4000 milljarðar króna. Það er mjög bjartsýnt og ég veit það vel. Gefum okkur því næst að upphæðin fáist að fullu að láni frá IMF með 4,5% vöxtum sem er líklega ekki langt frá ávöxtunarkröfu IMF. Segjum sem svo að um jafngreiðslulán til 40 ára sé að ræða til að auðvelda vangavelturnar og þá fáum við út að afborganir á ári séu a.m.k. í kringum 215 milljarðar króna á ári. Tekjur ríkisins hafa undanfarin ár verið um 475 milljarðar króna og því er ljóst að skera niður um 45% í útgjöldum ef tekjur haldast óbreyttar, sem verður að telja ólíklegt í ljósi aukins atvinnuleysis og hruns heillar atvinnugreinar.
En segjum sem svo að við þurfum einvörðungu að skera niður sem nemur 215 milljörðum króna. Hvað þýðir það? Ég lagði til atlögu við Fjárlagafrumvarpið 2008 til að sjá hvað ég gæti skorið niður án þess að það kæmi með beinum hætti niður á grunnþjónustu samfélagsins. Mikilvægt er að taka fram að sumir þættir sem ég sker niður munu ekki líða með beinum hætti heldur færast yfir á almenning með einum eða öðrum hætti. Alls tel ég að hægt sé að skera niður um 93.600 milljónir króna á einum eftirmiðdegi ef algjörlega er horft framhjá hagsmunum frjálsra félagasamtaka sem ættu í raun að hafa metnað til að standa í fjarlægð frá ríkiskrananum og með því að afnema ýmiskonar sporslur sem auka flækjustig kerfisins. Ég lét heilbrigðiskerfið og menntakerfið að mestu í friði (skar reyndar niður Versló), þar sem það er yfirleitt mun flóknara en svo að hægt sé að horfa á línuna í fjárlagafrumvarpinu og segja annað hvort inn eða út. Hins vegar þyrfti að fara mjög ítarlega í gegnum þá liði einnig. Alla vega er ljóst að það er hægt að skera verulega fitu af fjárlögum ef neyð kallar á það. 93.600 milljónir duga skammt til að dekka 215.000 milljóna afborgun á ári, en er þó alltaf í áttina. Hér fyrir neðan er upptalning á þeim liðum sem gætu hvað auðveldast horfið úr ríkissjóði.
- Forseti Íslands 196 Lagt niður, Ólafur má halda titlinum og ef Dorrit vill kaupa Bessastaði, þá er það bara fínt.
- Alþingi 1.200 Allur stofnkostnaður og þróunarkostnaður lagður af, fækkun þingmanna um 30, aflögð framlög til þingflokka
- Ríkisstjórn 165 30% niðurskurður
- Forsætisráðun. 310 Niðurskurður allra gæluverkefna og sérsjóða, norræna ráðherranefnd., stofnk. bygginga og hvaðeina.
- Menntamálar. 1.301 Háskólinn á Akureyri
- Menntamálar. 385 Hólaskóli
- Menntamálar. 275 Háskólinn á Bifröst
- Menntamálar. 1.859 Háskólinn í Reykjavík
- Menntamálar. 160 Markaðsáætlun á sviði vísinda og tækni
- Menntamálar. 723 Stofnkostnaður framhaldsskóla
- Menntamálar. 49 Hússtjórnarskólar
- Menntamálar. 837 Verslunarskóli Íslands
- Menntamálar. 898 Ýmis söfn og listasjóðir
- Menntamálar. 632 Kvikmyndamiðstöð Íslands
- Menntamálar. 898 Listir, ýmis framlög
- Menntamálar. 243 Æskulýðsmál
- Menntamálar. 485 Íþróttamál
- Menntamálar. 634 Óskilgreind eyðsla
- Utanr.ráðun. 8.000 Allt burt nema SÞ, Alþjóðasjóðir og skrifstofa sem yrði skorin við nögl.
- Sjávarútv./landb. 14.000 Hafró og rannsóknarstöfur haldi sér, annað ekki
- Dómsmálaráðun 248 ýmis verkefni
- Dómsmálaráðun 1.474 Þjóðkirkjan
- Dómsmálaráðun 284 Kirkjumálasjóður
- Dómsmálaráðun 90 Kristnisjóður
- Dómsmálaráðun 2.220 Sóknargjóld
- Dómsmálaráðun 367 Jöfnunarsjóður sókna
- Félagsm.ráðun. 106 Ýmislegt
- Félagsm.ráðun. 300 Leiguíbúðir
- Félagsm.ráðun. 1.276 Framkv.sj. aldraðra
- Félagsm.ráðun. 25 Félagsm.sk. alþýðu
- Félagsm.ráðun. 1.050 Félagsmál, ýmislegt
- Heilbrigðisr. 299 Lýðheilsustöð
- Heilbrigðisr. 800 Bygg. hátæknisjúkrah.
- Heilbrigðisr. 602 SÁÁ
- Heilbrigðisr. 1.172 Heilbrigðismál, ýmis
- Fjármálar. 8.800 Barnabætur
- Fjármálar. 5.880 Vaxtabætur
- Fjármálar. 1.500 Fyrrum varnasvæði
- Fjármálar. 200 Ríkisstjórnarákvarðanir
- Fjármálar. 850 Ýmislegt
- Samg.ráðun. 365 Ýmis verkefni
- Samg.ráðun. 24.637 Stofnkostnaður
- Samg.ráðun. 2.072 Hafnir stofnkostn.
- Samg.ráðun. 1.824 Flugvellir stofnkostn.
- Samg.ráðun. 366 Ferðamálastofa
- Iðn.ráðun. 383 Nýsköpunarmiðstöð
- Iðn.ráðun. 600 Tækniþróunarsjóður
- Iðn.ráðun. 259 Samtök iðnaðarins
- Iðn.ráðun. 202 Iðja og iðnaður
- Iðn.ráðun. 826 Byggðaáætlun/Byggðastofnun
- Iðn.ráðun. 391 Ferðamálastofa
- Iðn.ráðun. 292 Ýmis ferðamál
- Umhverfisr. 293 Ýmis verkefni
- Umhverfisr. 15 Náttúrurannsóknarst. við Mývatn
- Umhverfisr. 312 Skógrækt
- Umhverfisr. 33 Stofnun Vilhjálms Stef
Skv. Bloomberg er gert ráð fyrir að allt að $57 milljarðar af skuldum bankanna verði látnar gjaldfalla og verði ekki greiddir. Það er rétt um 7000 milljarðar íslenskra króna. Ef svo er þá er í fyrsta lagi ástandið verra en ég taldi í fyrri færslu en það jákvæða er að skuldin lendir ekki sjálfvirkt á íslenska ríkinu. Hvað sem síðar verður.