Yfirmenn Creation Museum, rétt utan við Cincinnati eru í vandræðum eftir að í ljós kom að leikarinn sem leikur Adam í myndbandi á safninu, hefur ekki einungis verið með skráð lén fyrir klámsíðu á netinu heldur verið fyrirsæta fyrir fatalínu sem ber hið vafasama heiti SFX, sem í fjarlægð gæti litið út fyrir að heita SEX. Myndbandið hefur að sjálfsögðu verið tekið úr sýningu, enda ekki við hæfi að Adam sé fallinn.
Ég reyndar skil ekki vandamálið þar sem ég taldi að Adam væri allt annað en syndlaus, en sjálfsagt fæ ég meira að heyra á laugardaginn í næstu viku, en þá mun ég heimsækja safnið ef að líkum lætur.
Passaðu þig á risaeðlunum! Þær eru víst þarna á vappi á meðal fólks.