Author: Halldór Guðmundsson

Að sigla undir fölsku flaggi

Það er ekki á hverjum degi gefið í skin að ég sigli undir fölsku flaggi, eða sé óheiðarlegur á einhvern hátt en það gerðist í ummælum í dag. En þar er ég sakaður um að gefa ekki upp tengsl við lykilmenn í Vinaleiðarmálinu, í þeim umræðum sem ég hef átt um leiðina. Hér er líkast til átt við hér og hér. Ég veit reyndar ekki um hvaða tengsl er verið að ræða, né hvernig þau eiga að skipta máli, en ég skal reyna. Continue reading Að sigla undir fölsku flaggi

The Saints-video

Það er alltaf gaman að setja sig inn í nýja hluti. Þetta gerði ég fyrir hópinn sem var með mér í New Orleans meðan ég var að dunda mér við að læra á iMovie. Ástæðan fyrir því að ég hendi þessu inn hér, er að Árni var að kenna mér á WP-kerfið og hvernig má setja inn myndskeið.

Sitt eigið

Ég hef undanfarna mánuði notað lítillega sértækan rss-lesara sem ég setti upp á “eigin server” og þannig fylgst með uppfærslum hjá fjölda miðla og bloggara á internetinu. En í stíl við yfirfærslu annála af hinu hreint ágæta kerfi Örvars yfir á WordPress MU, ákvað ég að leggja eigin kerfi, sameina enska bloggið mitt (sem var fremur smátt í sniðum) við annálinn minn og taka upp Google Reader til að vakta náungann.

Lokið, en þó aldrei lokið

Í kvöld var lokahluti námskeiðsins um viðbrögð kirkjunnar við stóráföllum. Við sem vorum í New Orleans stóðum að fjáröflunarkvöldverði í Trinity Lutheran Seminary, þar sem við fluttum stutt erindi, sýndum myndir og stóðum að uppboði. Rúmlega 130 manns mættu og borðuðu spagettí, með kjötbollum og sósu. Alls söfnuðust $3249 til styrktar Lutheran Disaster Response og $1627 sem renna til safnaða á svæðinu. Stuðningsaðilar málsverðarins voru m.a. Bexley Monk, Cosí, Panera og Kroger. Nú er þessum hluta lífsins formlega lokið, en reynslan hefur breytt mér mikið.

Trúarlegar tilvísanir Frjálslynda flokksins

Það er nú einfaldlega svo að trúarleg stef hafa tilhneigingu til að endurtaka sig. Höfnun réttborna erfingjans er líklega þekktast þeirra. Nú sjáum við fleiri stef ljúkast upp, Lk 4.16-30, kemur skiljanlega upp í hugann. En hætt er við að pálmagreinafögnuðurinn, þegar spámaður finnur sér nýja borg breytist í krossfestingu, en vonandi bíður síðan upprisan handan við hornið.

Upphaflega birt á halldorelias.blog.is sem viðbrögð við “Magnús Þór kjörinn varaformaður Frjálslynda flokksins.”

Að mæta Jesú – Meeting Jesus

Ég var rétt í þessu að ljúka við fyrstu drög að kennslustund sem ég mun nota í Christ Lutheran, sunnudaginn 3. febrúar. Hún er núna í yfirlestri hjá kennaranum mínum í Ministry of Educating. Þetta er þriðja stundin af þremur í kennsluröð en hinar tvær voru sóttar í Æskulýðsefni þjóðkirkjunnar 2001-2002 og staðfærðar að aðstæðum hér í BNA. Áhugasömum til gagns og yndisauka þá er stundin hér, á ensku:
Continue reading Að mæta Jesú – Meeting Jesus

Glósukrot

Ég var að taka til í glósunum mínum, nokkrar setningar á annars óskiljanlegu krotblaði, líklega úr nokkrum ólíkum kúrsum.

  • Heresies are luxury of a bored church.
  • Skoða tengsl Nestorianisma og kristinna í Kúrdistan samtímans.
  • Word of God í skilningi Luthers er fjórþættur a.m.k. Logos, Message about Jesus, Kerygma of Jesus og The Holy Scriptures. Hvernig við nálgumst þessa þætti og forgangsröðum þeim hefur áhrif á the Authority of the Bible.

Sjálfhverf trúarnálgun

Hin sjálfhverfa trúarnálgun var bara ekki til í veröld Biblíunnar. Hinn trúaði reynir hins vegar að þjálfa sig í tengslunum, reynir að skilja í hverju vilji Guðs með lífi hans eða hennar er fólginn.

Prédikun Sigurðar Árna í dag er líklega ein af þeim allra bestu sem ég hef lesið. Hún er fræðandi, gagnrýnin á samfélagið, hún hefur spámannlegt blik. Sigurður hafi kærar þakkir fyrir.

Já, ekki yngist maður

Ég er að skrifa pappír í Ministry in Worship, þar sem ég geri grein fyrir aðkomu minni að trúarlegu helgihaldi. Ég að sjálfsögðu lít á barnamessurnar í Laugarneskirkju, þegar Jesús í rauða sloppnum gnæfði yfir altarinu. Ég geri grein fyrir uppbyggingu KFUM/KFUK og síðar KSS funda sem helgihalds með ofuráherslu á orðið og orðið eitt. Hins vegar var mest sjokkerandi vangaveltan um hlutverk bænastunda í kapellunni í Vatnaskógi, en þar kemur fram að ég fór í fyrsta skipti í flokk í Vatnaskógi fyrir 26 árum. Ég vissi ekki einu sinni að ég væri svona gamall. Það sem verra er, ég gæti séð fram á möguleika á að koma kannski til Íslands í sumar í 10 daga, og það fyrsta sem ég hugsaði um var hvort það passaði við flokkaskrána í Skóginum.

Da Vinci Code og Pálmasunnudagur

Það kom upp í huga mér rétt í þessu hvort vinsældir Da Vinci Code og kenningarinnar úr The Holy Grial and Holy Blood, séu ekki enduróm fagnaðarlátanna á Pálmasunnudag. Þörfin fyrir veraldlegan konung, útvalinn leiðtoga, sem breytir öllu og gerir allt rétt í heiminum. Fagnaðarlætin þögnuðu síðar í kyrruviku, en þörfin fyrir hinn útvalda sanna veraldlega leiðtoga er enn til staðar. Ef bara barnabarnabarnabarnabarnabarnabarnabarnbarnabarn Jesús væri tilbúið til að taka á vandanum í heiminum, þá myndu margir mæta með pálmagreinarnar og vonast eftir að allt yrði gott. Það er nefnilega auðveldara að mæta með pálmagreinar á The Mall en að breyta sjálfum sér.

Besserwisser

Ég er um þessar mundir í Ministry of Worship og þarf að lesa mikið magn fræðigreina og bóka á sviði helgihalds. Af þeim sökum hefur hugtakið “besserwisser” verið ofarlega í huga mínum. Það er hins vegar gaman að segja frá því að hugtakið er ekki enskt og því lítið gagn í að nota það í samræðum hér, til að útskýra afstöðu mína. Það hef ég nú fengið að reyna.

KSS-kynning

Fyrir rúmlega 15 árum komum ég og Magnús Fjalar að kynningarmálum í KSS. Við hönnuðum og stóðum að hinni frábæru kynningu: “Ég vil þig fyrir vin”. Meðal þess sem við gerðum voru plaköt með mynd af agressívum banjóspilara af Strikinu sem brosti hinu svakalegasta brosi og horfði beint í myndavélina. Þetta er að mínu viti eitthvert skemmtilegasta KSS-plakatið ever og á pari við “Þau voru nakin” plakatið nokkrum árum síðar (sem er það flottasta). Continue reading KSS-kynning