Ýmsir vinstrimenn gagnrýndu Halldór Laxnes á sínum tíma harðlega fyrir að segja ekki frá hvernig ástandið raunverulega var í Sovétríkjunum. Hann sagði ekki frá röðunum í búðunum, frá skortinum og fátæktinni heldur talaði á jákvæðum nótum um landið þrátt fyrir allt sem hann sá. Continue reading Segja frá

Einn stærsti gallinn við Visi.is, er hversu illa vefurinn spilar með Firefox og Os X. Afleiðingin er sú að ég notast að jafnaði ekki við vefinn til fréttalesturs eða til sjónvarpsáhorfs. Það gerist hins vegar öðru hvoru að ég tel mig þurfa að sjá eitthvað í boði Baugs, og nú hefur Apple leyst vandamálið mitt. Boot Camp gerir mér mögulegt að ræsa tölvuna með Windows stýrikerfinu og nota Internet Explorer. Þessu fylgir að sjálfsögðu einhver virusahætta, en þar sem ég nota þetta einvörðungu til að horfa á Vísi.is þá er hættan vonandi ekki mikil.

Nú er fullbókað er í 5. flokk í Skóginum í sumar og komin biðlisti, enda sögusagnir um að starfsfólkið í flokknum verði með ólíkindum hæfileikaríkt. En líklega er þó meira um vert að flokkurinn verður fyrstu vikuna í júlí.

Nú á ég eftir að fara í skólann í þrjá daga á þessu misseri. Reyndar klárast skólinn ekki fyrr en á föstudag í næstu viku, en þar sem ég er einungis í tímum á þriðjudögum og fimmtudögum eru dagarnir bara þrír. Hins vegar á ég eftir tvö heimapróf og eitt verkefni, sem fjalla um jafn ólíka hluti og trúarstef í fjölskyldusögum og notkun þeirra í kirkjustarfi byggt á rannsóknum Diana Garland, greinargerð um helstu einkenni og áhrif pietisma og ecumenisma á kirkjuna í samtímanum. Ég þarf að kynna til sögunnar Friedrich Schleiermacher og Aimee Semple McPherson, auk þess sem hugmyndir mínar um eðli og hlutverk kirkjunnar í ljósi greinargerðar frá Alkirkjuráðinu og skrifa Rausch og Ted Peters, skilningur minn á frelsunarhugtakinu í samspili við önnur trúarbrögð og hvernig sá skilningur mun hafa áhrif á störf mín í kirkju framtíðarinnar kalla á úrlausn.
Öll þessi verkefni þurfa að liggja á borði kennaranna minna ýmist á þriðjudagsmorgun eða fimmtudag í næstu viku. Þannig að e.t.v. væri mér nær að byrja á því að svara einhverju af þessu en að skrifa þessa færslu.

Mikið er blogað og bloggað um mögulega stjórn Samfylkingar og Sjálfstæðisflokks. Þar væri á ferðinni öflugur hópur þar sem að Pétrar Blöndalar og Jóhönnur Sigurðardætur gætu ekki sett stólinn fyrir dyrnar í neinum málum, hægt væri að bruna áfram, ekkert stopp. Ef könnun Bifrastar er höfð til hliðsjónar væri afstaða slíkrar ríkisstjórnar í helstu málum líklega á þessa leið. Continue reading D og S

Það eru einhverjir blogarar sem hafa bent á að einungis munaði 13 atkvæðum á kaffibandalaginu og ríkisstjórninni, kaffibandalaginu í hag. En atkvæði sem skiptast á þrjá nýtast ekki jafnvel og atkvæði skipt á tvo. Því fór sem fór.

Nú er lokið þessari kosninganótt og nýliðun á þingi hlýtur að teljast óvenjumikil, en 24 ný andlit munu birtast á þingi í haust skv. Visi.is. Það sem er miður jákvætt er þó útkoma kvenna. Continue reading Hlutfall kvenna

Það er ekki mikið rætt í kosningasjónvarpi RÚV að Samfylkingin virðist hafa tapað 3,5% atkvæða frá síðustu kosningum og það sem meira er, Samfylkingin var stærsta stjórnmálaaflið í tveimur kjördæmum í síðustu kosningum en hefur tapað þeirri stöðu, reyndar munaði minna en 0,5% í suðurkjördæminu en munurinn milli Sjálfstæðisflokksins og Samfylkingarinnar í suðri er í ár nær 7,5%.

Skilaboð kjósenda til Framsóknarflokksins eru skýr. Flokkurinn á ekki samleið með sollinum, Guðjón Ólafur, Magnússynir, Björn Ingi, félagar Finns og Hvítasunnukirkjan eru ekki sá bakgrunnur sem flokkurinn getur treyst á til áhrifa. Vonandi er innrás þeirra líka liðin. Framtíð flokksins liggur í fortíð hans, í hinum dreifðari byggðum. Í tengslum við formannskjörið á liðnu ári skrifaði ég færslu sem virðist hafa ræst í kvöld.
Viðbrögð Guðna og landsbyggðarhópsins í flokknum hljóta að vera ákveðinn og skýr ef flokkurinn á að lifa.

… það er næsta víst.

Viðbót: Nema það takist að sannfæra alla Íslendinga um að hér hafi verið á ferðinni samsæri austantjaldsþjóða og vinstri manna.