Það verða að teljast tíðindi þegar leikmaður á borð við Andy Mwesigwa ákveður að velja Vestmannaeyjar fremur en Columbus, Ohio til búsetu. Það er hugsanlega rétt að Columbus verði seint talið miðpunktur heimsins, en Vestmannaeyjar? Hverju var eiginlega logið að manninum?
Við Crew-aðdáendurnir hér í Bexley, glottum við tönn og óskum Andy góðrar skemmtunar í saltrokinu og rigningunni.
6 thoughts on “ÍBV umfram Columbus Crew”
Comments are closed.
Hvurslags eiginlega… – það stenst ekkert samanburð við Vestmannaeyjar… EKKERT!!!!
Óli Jói, hefurðu einhvern tímann verið í Vestmannaeyjum? Ég tek undir að fátt stenst samanburð við rokið og rigninguna þarna :-).
Tuh, rigning er bara afleiðing mikilla hita og hvað gerir það þó það sé stundum golukorn – svo er líka að koma nýtt knattspyrnuhús til Eyja – hvað hefur þitt byggðarlag að bjóða?
Við bjóðum upp á 20+ gráðu meðalhita og sólskin 8-9 mánuði á ári. Knattspyrnuvöll sem tekur 22.555 manns í sæti (þrefalt meira en Laugardalsvöllurinn). Ég hef einu sinni lent í golu hér á fjórum mánuðum og fólk kallaði það rok. Hér þarf sem sé ekki knattspyrnuhús, nema þá helst til að verjast hitanum. Ef við lítum sérstaklega til knattspyrnuiðkunar, þá er þess að geta að boltinn helst jafnþungur yfir leik (þyngist ekki vegna rigningar) og litlar líkur eru til þess að það þurfi að sækja hann út á sjó ef rokið tekur hann í útsparki.
Jah, venjulegir menn setja veðrið ekkert fyrir sig – hann vill taka þátt í að spila með heimsklassa liði, með gífurlegan metnað sem mun hampa meistaratitli eftir tímabilið! ÍBV er stórlið, hver man ekki eftir því þegar við næstum unnum Stuttgart 97?
Veðrið hefur áhrif á íþróttaiðkun í Vestmannaeyja þrátt fyrir að spila eigi innanhús.