Samfylgd eða þjónusta er gagnrýnið námskeið sem spyr spurninga um áherslur í kirkjulegu starfi, sér í lagi kærleiksþjónustu og æskulýðsstarfi. Á námskeiðinu verður rætt um muninn á samfylgd (e. accompaniment) annars vegar og þjónustu hins vegar. Um er að ræða heilsdagsnámskeið.
Samfylgd í kirkjustarfi leggur áherslu á að allt starf kirkjunnar er tvíátta, hugmyndir um að einn þjóni og annar þiggi, eigi ekki við. Í þjónustu okkar felist alltaf að okkur sé þjónað af þeim sem við þjónum.
Námskeiðinu er skipt í þrjá meginhluta:
- Fyrirlestrar um samfylgd (accompaniment).
- Umræður um hvernig kærleiksþjónustustarf og/eða æskulýðsstarf kirkjunnar eins og það er framkvæmt í dag.
- Þróunarvinna, þar sem við útbúum raunhæf verkefni til að taka með út í söfnuðina.