Meðan Egill Helgason heldur áfram að sýna hroka í garð þeirra sem ekki eru eins og hann setur Gauti B Eggertsson endurútgáfu “Tíu lítilla negrastráka” í nauðsynlegt samhengi, bæði sögulega og persónulega. Eigi Gauti kærar þakkir fyrir.
Meðan Egill Helgason heldur áfram að sýna hroka í garð þeirra sem ekki eru eins og hann setur Gauti B Eggertsson endurútgáfu “Tíu lítilla negrastráka” í nauðsynlegt samhengi, bæði sögulega og persónulega. Eigi Gauti kærar þakkir fyrir.
Gott framtak hjá þér Elli.
En hvað finnst þér hins vegar um Baggalútsvísurnar um hommana sem settar voru á visir.is mönnum til skemmtunar og ég birti tenglil að hér á annálum?
Það er ekki 80 ára gömul “menningararfleifð” heldur afrakstur dagsins í dag. Af hverju mótmælir fólk ekki einnig slíkum ósóma? Eru hommar kannski negrar nútímans?
Mér finnst þessi pólitíski rétttrúnaður ofur einfaldlega jaðri við hræsni. Hver og einn sem tekur undir hann er að slá sig til riddara á meðan sá hinn sami þegir yfir meðferði baggalútsmanna á hommum. Hann er ekki mjög trúverðugur talsmaður “minnihlutahópa”.
Svo virðist nú ekki vera að hver og einn mæli gegn þessari bók Torfi. Meirihlutinn virðist vera sáttur. Mér fannst grein Gauts frábær og þörf. Ég skil ekki þessa áráttu hjá þér Torfi að skamma fólk fyrir að benda á óréttlæti með því að draga fram annað óréttlæti sem þér finnst alvarlegra og þú vilt frekar að viðkomandi bloggi um. Nú hef ég ekki séð þessa vísu Baggalúts og ekki lofar hún góðu, af þinni lýsingu að dæma, en það dregur ekki úr alvarleika þessa máls sem hér er til umræðu og stór meirihluti þjóðarinnar brosir yfir.
Takk fyrir að benda á þessa stórgóðu grein.
Vísa Baggalúts er skopstæling, gerð til að sýna fram á fáránleika málsins.
Ég verð að taka undir með Matta að Baggalútsvísurnar á vefsíðunni þeirra var ok skopstæling og benti á fáránleika þess að gefa “Tíu litla negrastráka” út á ný. Hins vegar var birting vísunnar á Visi.is með ólíkindum taktlaus og ósmekkleg.
Ég er nú ekki viss um að hommunum þyki Baggalútsvísurnar vera skopstæling í lagi. Þó verð ég að viðurkenna að hafa ekki orðið var við nein viðbrögð frá þeim, sem mér finnst með ólíkindum. Líklega eru þeir orðið svo vanir þessu að þeir eru orðnir meðvirkir í eineltinu á þeim.
Þá birti Fréttablaðið hluta úr bloggi Sverris Stormsker þar sem kveðið var við sama tón – og þótti víst fyndið.
Mér sýnist af þessu vera mjög stutt í hommahatur þjóðarinnar og vil benda á könnun Fréttablaðsins (einmitt!) þar sem kom fram að um 53% landsmanna styður kirkjuna í mismunun hennar á kynhneigð manna.
Hins vegar er þörf þessarar elskulegu þjóðar fyrir að vera líbó svo mikil að hún leitar útrásar fyrir frjálslyndi sitt í máli sem fyrir löngu er hætt að vera issjú hérlendis, þ.e. jafnréttisbaráttu þeldökkra.
Ég skil vel Ameríkanann að leggja rækt við söguna um rasismann hjá sér og andstöðuna gegn honum, en hér er málið ekki næstum því eins aðkallandi.
Þó er alveg ljóst að fyrir stríð var hér mikill rasismi, eins og sjá má á teikningum Muggs og útgáfu bókarinnar um negrastrákan tíu.
Þetta kemur m.a. fram í einni doktorsritgerð frá fjórða áratugnum þar sem upptaka Jörundar hundadagakonungs á eigum danskra kaupmanna var réttlætt með því að þetta væri bara allt saman frísneskir gyðingar!
Nú ættum við hins vegar að horfa á þetta fyrirbæri sagnfræðilegum augum í stað þess að taka á málinu sem samtímalegu vandamáli.
Ég er alls ekki eins bjartsýnn og þú Torfi. Ég held að það sé styttra í kynþáttahatrið en mörgum grunar. Spurðu t.d. foreldra hvort þeim þætti það í lagi að dætur þeirra giftist þeldökkum mönnum. Ég er nokkuð viss um að margir væru ekkert of spenntir fyrir því, það var alla vega reynsla mín þegar ég gekk á fólk sem gaf sig út fyrir að vera fordómalaust á þessu sviði. Þetta er svona svipað og þegar fólk segir að það sé í lagi með hommana svo lengi sem þeir reyni ekki við viðkomandi, rétt eins og slíkt sé eitthvað stórhættulegt eða ógeðslegt. Já það er mikið um dulda fordóma í okkar samfélagi. Sumir eru t.d. sáttir við homma en ósáttir við araba, nú eða gyðinga.
Ég geri greinarmun á vefsíðu eins og Baggalútsvefsíðunni og fréttavef. Tilraun Baggalútsmanna til að sína fram á hversu fáránlegur texti umræddrar bókar er með því að heimfæra hann upp á samkynhneigða er í samræmi við annan texta á síðunni þeirra. Það að notast við Baggalútstexta í fréttatengduefni er hins vegar bæði óviðunandi og með ólíkindum ósmekklegt, hið sama á við að mínu viti þegar vitleysan í Sverri Stormsker er sett á prent.
Ég held að þú metir ástandið rétt, þegar þú segir að neikvætt viðhorf gagnvart samkynhneigðum sé útbreiddara en margur heldur. Að halda því fram að jafnrétti dökkra sé ekki issue á Íslandi er hins vegar barnaskapur, sem upplýstur fræðimaður ætti ekki að láta frá sér.
Jafnrétti “dökkra” kemur fræðimennsku ekkert við, a.m.k. ekki minni! Það er einungis tilfinning mín að það sé ekki ofarlega á baugi hérlendis, þ.e. ekki stórt þjóðfélagslegt vandamál. Hins vegar er umræðan um samkynhneigð það. Ég er nú að kenna unglingum þessa daganna og heyri vel fordómafullar upphrópanir þeirra um homma. Nú síðast í dag voru einhverjir strákar að gagnrýna einn samnemanda sinn fyrir hvernig hann talaði – og töldu það vitna um lélegan karakter.
Hins vegar hef ég aldrei heyrt halla á þá nemendur í skólanum sem eru þeldökkir. Þeir eru mjög sterkir félagslega og njóta mikillar virðingar (líklega fyrst og fremst vegna litarháttar því hegðun þeirra er alls ekki til fyrirmyndar).
Þessi tilfinning mín er kannski barnaleg en þó tel ég mig vera í betri aðstöðu en þú til að dæma um þetta.