Embættisgengi

Ég fór að velta því fyrir mér fyrir tveimur dögum hvað mig myndi vanta upp á embættisgengi til prests í íslensku þjóðkirkjunni ef ég myndi ljúka MALM og STM prófi hér við Trinity. Í sjálfu sér féll rannsóknin strax á lagagreininni um embættisgengi en þar kemur fram að skilyrðin séu

Embættispróf frá guðfræðideild Háskóla Íslands eða frá viðurkenndri guðfræðideild eða guðfræðiskóla og skal biskup um hið síðarnefnda atriði leita umsagnar guðfræðideildar Háskóla Íslands.

Þetta bendir til þess að aðeins nám sem er skilgreint sem embættisnám sé viðurkennt. Því sé MA eða jafnvel Ph.D.-gráða ekki fullnægjandi þrátt fyrir að öll sömu námskeið séu tekin og í Cand. Theol. námi.

Ef hins vegar skilningurinn er ekki svona þröngur þá hlýtur viðmiðið að vera nám sem inniheldur sömu eða svipuð námskeið og guðfræðideild HÍ býður upp á í Cand. Theol. náminu.

Gamlatestamentisfræði (5e kjarni, 5e hebreska, 14e framhaldsnámskeið, alls 24e)

• Ég hef lokið kjarnanum í HÍ
• Ég hef tekið einn OT/HS – 4 eininga kúrs í TLS

• Ég á eftir að taka Hebresku 5 einingar
• Ég á eftir 10 einingar í GT-ritskýringu

Nýjatestamentisfræði (3e kjarni, 10e gríska, 20e framhaldsnámskeið, alls 33e)

• Ég hef lokið kjarnanum í HÍ
• Ég hef tekið 4 eininga “val”kúrs í HÍ
• Ég hef tekið 4 einingar í NT í TLS.

• Ég á eftir 10 einingar í grísku
• Ég á eftir 12 einingar í NT-ritskýringu

Trúfræði (3e kjarni, 11e framhaldsnámskeið, alls 14e)

• Ég tók Játningafræði sem kjarna
• Ég tók trúfræði I hjá Arnfríði upp á 4einingar
• Ég hef tekið 8 einingar í trúfræði í TLS.

• Ég hef tekið 1 einingu umfram skyldu í trúfræði.

Siðfræði (5e kjarni, 8e framhaldsnámskeið, alls 13e)

• Ég tók 6 einingar í siðfræði í HÍ.
• Ég hef tekið 4 einingar í siðfræði hér í BNA.

• Mig vantar 3 einingar í siðfræði.

Kennimannleg guðfræði (2e kjarni, 17e framhaldsnámskeið, alls 19e)

• Ég tók a.m.k. 20 einingar í kennimannlegu námi í HÍ.
• Ég hef tekið og/eða er skráður líklega í 33 einingar hér í TLS.
• Við það bætist STM-námið.

• Ég er því með c.a. 34 einingar og árs meistaranám umfram skyldu.

Almenn trúarbragðafræði (7e kjarni, 4e framhaldsnámskeið, alls 11e)

• Ég tók 10einingar í HÍ
• Ég hef tekið 4,5 einingar hér.

• Ég er því með 3,5 einingu umfram þörf.

Kirkjusaga (4e kjarni, 10e framhaldsnámskeið, alls 14e)

• Ég tók 10einingar í kirkjusögu í HÍ.
• Ég hef tekið 8 einingar í TLS.

• Ég er því með 4 einingar umfram þörf.

Kjörsvið og frjálst nám upp á 24 einingar er væntanlega mætt með ýmsum námskeiðum sem ég hef tekið umfram þörf ýmist í HÍ eða TLS.

Niðurstaðan er því sú að ef krafan snýst um guðfræðipróf, en ekki embættispróf að mig skortir hebresku og grísku, auk 12 eininga í ritskýringu NT og 10 eininga í ritskýringu GT. Reyndar er eitthvað um “overlap” milli kúrsa sem ég tók á BA-stigi á Íslandi og ég hef verið að taka á MA-stigi hér, en það þyrfti að skoða sér í lagi í tengslum við merkingu orðsins framhaldsnámskeið sem er notað í Guðfræðideild HÍ.

Með öðrum orðum, ef ég hefði áhuga á að verða prestur þá þyrfti ég að fara að lesa í Biblíunni minni og læra smá siðfræði. Ekki veitir af 🙂

Annað skilyrði fyrir vígslu sem prestur er þetta hér:

Áður en kandídat hlýtur vígslu skal hann hafa starfað með sóknarpresti eigi skemur en fjóra mánuði undir eftirliti prófasts. Um framkvæmd og eftirlit þessa skal nánar kveðið á um í reglugerð. Að öðru leyti fer um nám í kennimannlegri guðfræði svo sem segir í reglugerð um nám í guðfræðideild Háskóla Íslands.

Hér hlýt ég að spyrja mig hvort störf mín sem djákni komi að einhverju leiti til móts við þetta skilyrði.