In the coming months I will start my studies in Trinity Lutheran Seminary. Here on these pages I will write down thoughts about diverse aspects of theology and/or religion I will come across during my preperation for the studies and during my time at the seminary.
I will write on this site in English, mainly to practice my writing skills in that language. That means that you will definantly see a lot of spelling and grammar errors, but that is just as it is.
Í kvöld fór ég á fyrirlestur í Pontificial College Josephinum. Dr. R. Scott Appleby frá Notre Dame University velti upp ýmsum ýmsum hliðum á bókstafs-/öfga-/jaðartrúarhreyfingum og helstu einkennum þeirra. Fyrirlesturinn var samvinnuverkefni helstu guðfræðiskólanna hér í mið-Ohio.
Fyrir flestum Bandaríkjamönnum er afstaðan til Krists mæld í afstöðinni til hjúskapar samkynhneigðra og fóstureyðinga, þrátt fyrir að þetta séu mál sem Kristur nefnir aldrei. Sama fólk og mælist þannig kristnast er í mörgum tilfellum skeytingarlaust um þann gífurlega þjóðfélagsvanda sem fátækt er. Það þrátt fyrir að fátækt og mikilvægi þess að vinna bug á henni sé nefnt til sögunnar um 2000 sinnum í Biblíunni.
Columbus Dispatch fjallar á forsíðu Metro&State um móðurmál. Skv. blaðinu fjölgar börnum með annað móðurmál en ensku ógnarhratt í mið-Ohio.
More…
Það er margt að segja um hefndina og þeir Wachowski-bræður reyna að koma sínum hugmyndum til skila í nýrri mynd hér í BNA, V for Vendetta. En hefndin er ekki það eina sem glímt er við, hér er líka snert við einhverri þekktustu glímu guðfræðings. Er í lagi að beita ofbeldi til að leiðrétta óréttlætið? En íbúar BNA eru mjög uppteknir af því að Bonhoeffer hafi ekki þegið stöðu við Union Theology Seminar um miðjan 3. áratug síðustu aldar, heldur haldið heim til Þýskalands, barist gegn Hitler og svarað ofangreindri spurningu játandi. En það er útúrdúr.
Fyrirsögn í Morgunblaðinu fyrir þremur dögum vakti athygli mína. En þar var fullyrt að börn sem ganga í gegnum skilnað væru hæfari í mannlegum samskiptum. Reyndar kom í ljós við lestur að þetta var mat barnanna sjálfra í viðtölum við rannsakanda í MA-námi, en fullyrðingin var samt látin standa sem einhvers konar sannleikur.
Í Morgunblaðinu í dag skrifar Unnur Halldórsdóttir:
NÝLEGA var ég viðstödd mjög fjölmenna jarðarför í Reykjavík. Aðstandendur buðu til erfidrykkju sem var svo óvenjuleg að ég má til með að koma hugmyndinni á framfæri.
Í safnaðarheimili kirkjunnar biðu okkar uppdúkuð borð með kaffikönnum, konfektskál og vænum diski af kleinum og upprúlluðum pönnukökum. Afar gott og handhægt, engar biðraðir og gamla fólkið slapp við að bera meðlætið skjálfandi hendi að sæti sínu. Við systkinin sem sjaldan hittumst áttum þarna gæðastund saman og gátum einnig heilsað upp á ættingja sem sátu afslappaðir viðnæstu borð. Kleinurnar komu glænýjar frá Ömmubakstri og pönnsurnar voru bakaðar af vinum og vandmönnum svo allt var þetta mjög viðráðanlegt og áhyggjulaust. Ef fleiri taka upp þennan ágæta sið auðveldar það fólki að bjóða í kaffi eftir útförina en hugsanlega eru margir sem velja útför í kyrrþey vegna kostnaðar við erfidrykkjur. Þær hafa að mínu mati mikilvægu hlutverki að gegna að styrkja vináttu og ættarbönd í annríki dagsins og mega ekki leggjast af.
Í vikunni átti sér stað áhugavert samtal í 500 mílna fjarlægð frá heimili mínu. Ef til vill var það á þessa leið.
Þar sem ég er heimavinnandi húsfaðir í BNA, er ég um þessar mundir meira á netinu en nokkru sinni fyrr. Þannig reyni ég að fylgjast með fréttum í tveimur löndum, hlusta á útvarp og stöku sinnum reyni ég að sjá íslensku sjónvarpsfréttirnar. En það er eitt sem ég skil alls ekki.
More…
Matti Á. bendir á góða grein eftir Eyju Margréti á vef heimspekistofnunar HÍ.
